اساسنامه

سریزه:

دا څرګنده ده چې انسانان د خپلو فطري ځانګړنو له مخې ټولنيز ژوند کوي او د ټولنيزو اړیکو په درلودو سره د خپل ژوند معيارونو ته لوړوالی او پرمختګ بښي او انسانان یو تر بله په مرستې کولو د خپل ژوند ستونزې په ګډه حل کوي او د نېکو اړیکو په لرلو سره فرهنګ او ښه اخالق یو تر بله لېږدوي او په ټوليزه توګه سمه او نېغه الر مومې او د پرمختګ، بریاليتوب او تکامل پر لور یون کوي. موږ پوهېږو چې علمونه او فرهنګونه د نړۍ او کایناتو څخه د انسانانو ژوره پېژندنه ده یعنې انسانان پر کایناتو واکمنې قاعدې او حاکم قوانين کشفوي، او له هماغو قوانينو څخه ګټه اخلي، خپل چاپېریال او طبېعت د هاغه څه مطابق چې پخپله یې غواړي جوړوي. او دا ټول د انسانانو د همکارۍ او ګډ کار محصول دی او دا ګډ کار او همکاري چې په پایله کې د علم، فرهنګ او تمدن د پيدایښت المل شوی دی د دوو څيزونو معلول دی: یوه ژبه [خبرې او مکالمه] او بل قلم [ليکاڼی] انسان له بقا سره د مينې په انګېزه هڅه کړې له خپلو زده کړ و، پوهې او السته راوړنو لنډیز او خپلې تجربې په کوټلې توګه په هر حالت او هره بڼه چې توانېدلي ثبت کړي او وساتي. چې په پایله کې د خطونو تورو او نښو، وده او تکامل وکړ او ليکل آسان شول او د اند او تفکر او د تېر مهال د اړیکي الر له راتلونکي او له نورو هم مهالو سره پرانېستل شوه او اندونه د قلم د نوکي په توسه یو له بل سره وتړل شول. همدا آثار او ل يکنې دي چې د اند او پرمختګ الر د راتلونکو لپاره پرانيزې او انساني ټولنيز اند وده او تکامل کوي. چې په دې بهير کې د ټولنو د ودې او واټن په تناسب مختلفو ژبو په مختلفو پړاوونو او پوړونو کې وده او تکامل کړی دی او راز راز بڼې یې غوره کړي دي او ځينې خو په دې بهير کې تر منزل او پړاوه نا رسېدلې له منځه تللي دي. د ژبو په دې لړ کې د پښتو ژبه د تاریخ په اوږدو کې له ستونزو او ناسمو شرایطو سره سره د لوړو ژورو په لېدلو بېا هم خپل سر اوچت ساتلی، او د نورو ژبو سره د سيالۍ هلې ځلې کوي او د پښتو ژبې لرغونی شفاهي او لېکلی ادب تر پخوا ال زیات د څېړونکو د پاملرنې وړ دی، لکه څنګه چې پوهېږو په وروستيو پېړیو کې په ځانګړې توګه په دې وروستيو څو کلونو کې علم او پوهې په ډېره بيړه پرمختګ کړی چې څرګنده ده د ژب و وده او پرمختګ ورسره اړین دی، په دې وروستيو کې د پښتو ادب د پوهانو، ليکوالو او شاعرانو هڅې او کوښښونه ددغې ژبې د ودې او پرمختګ لپاره د ستایلو وړ دي او د همدوی د زیار او هڅو له برکته پښتو له نورو ژبو سره د سيالۍ جوګه ده . خو د ساینس او علومو د بيړه ناک یون او ورسره د اړوندو ژبو د پرمختګ په نظر کې نېولو سره زموږ ژبې ته تر پخوا ال زیات کار په کار دی او دا کار نور په شخصي او فردي توګه کافي نه دی اوس ددې وخت رسېدلی چې په دې اړه ټول خپاره واره او شيندلي ځواکونه متمرکز شي او ټول په ګډه، یو تر بله په الس ورکولو په هم غږي ډول دا ارزښتناک چار تر سره کړي او راتلونکو نسلونو ته په علمي اصول سمبال ژبني مفهومونه ولېږدوي. نو ځکه موږ وپتېله ددغه ارزښتناک چار سرته رسولو لپاره داسې یوه مرکزي صالحيّت لرونکې اداره او نظم رامنځته شي چې د فعاليت په نتيجه کې یې د پښتو ژبې په اړه ټول توليدات د یوه مرکزي توحيدي معيار له چاڼه تېر شي او وکولی شي د یوه خوځنده فعال مرکز په توګه د اوسني عصر له غوښتنو سره سم د پښتو ژبې د ټولو پوهانو، ادیبانو، ليکوالو، شاعرانو، پښتو ویونکو او په پای کې ټول پښتون ولس په ځانګړې توګه ځوانانو لپاره د استازي او مرجع په توګه کار وکړي او په پایله کې یې پښتو ژبه د علم او فرهنګ له ودې او تکامل سره اوږه په اوږه وده او تکامل وکړي.